Korpa mojega dedija

       Jo sem vam ljepi dečko z Kotoribe. V mojem krojo rosto šibe od kojih ljudi pljetejo ljepe šibnote korpe. Negda se od toga dolo živeti, a denes so tu, pri nas, drugi cajti.

      Japa mi zno reči kak je bilo teško negda šibu rezati, pak jo kuhati, guljiti, hobljiti i tek unda korpe pljesti. Den-denes imamo korpo kojo je stori japa spljel. Stora je, alji joka i još se cela drži. V njo pono sega vljezne: debelji kromper, kuruza, zelje, tikve i se kaj pre nami zroste.

      To korpa me zmišljuje na dedija kojega nesem nigdor videl, zmišljuje me na jedno dalko vreme dok sem jo još se ne niti rodil. V njoj vidim i osečam moko i znoj međimurskoga čoveka i njegove senje o boljšem životo.

     Nek sam stoji to korpa i jo ju bom čuval za svojo deco jer se takve korpe denes več ne pljeto. V to korpo je moj deda spljel se svoje želje, svoje mislji na to kaj nam bu denes bolje i kaj se ne bomo tak močilji kak se on negda močil.

Jo pok se bom dalje fest vučil i v školje hodal.... A jenoga dneva bom svoji deci spljel korpo sreče i veselja. Nafčil njis bom nek bodo pošteni, vredni ljudi. Samo tak bodo, i to korpa, i moj deda, dalje živelji v moji familjiji i v našim srčekima još dogo, dogo.

Vinko Legin, 6.a

Na natječaju je sudjelovalo 65 književnih radova iz 16 osnovnih i srednjih škola te 3 multimedijska uratka, a najbolje radove izabralo je povjerenstvo u sastavu: Katarina Bajuk, Vera Zmunić i prof. dr. sc. Stjepan Hranjec .