Negdašnja obljeka

Bila je zdena, jesenska večer…

Z bakom sem sljike gljedala.

Pona škatulja je ljepih,

drogih uspomeni

na ljude

koji so ne več med nami.

Zakaj so se žene na glovi ropce mele?

 pitala sem baku.

Je, tak ti je to negda bilo,

dete moje drogo.

Dekljice kak ti

so pantljeke nosile

i z njimi se fest štimalje.

Mlode snehe z poculjicom

na glovi so se štimale,

a stareše žene robce

na glovi so nosilje.

I neso navek isto oblječene bilje.

K meši i za svetek

se nosila svila,

a za delanten den

je prosteša oprava bila.

Za svetek so nosilje preljevanca,

suknju foldanjko

 i robačo z čipkom.

Tibet robca so nase delje,

za zimu su debeljoka vunenoga

melje,

a na noge so čižme

z mefkom sarom obulje. 

Sedim v svoji sobi

i premišljovam si kaj bodo

denes-zutra

za našu obljeku reklji…?

Nosilje so se:

sakojačke majice,

 trenerke,

 tajice…

I v školu,

 i k meši

i za po doma…

                                                       Nela Kovačić 6.b

mentorica: Nikolina Fuš Zvošec

                                                                       Sreča

Žene belje poculice

imaju na glovi,

muški se z črnim škrljokom

fest pravi.

Robača nabrona

nad spodnjicom stoji.

Črne prucljeke na robaču

kak oblak belu

muški obloče,

na tibetu se pok sakojačke

boje preljevlju.

Čižme črne ruže po vuljici…

Golob črljeno ružo dovlje

svoji golubici!

Mortik bode mel srečo

i za njo dobil

koji kušljec…

Što zno?

Vita Kukolj 6.a

mentorica: Nikolina Fuš Zvošec

Štimamo se…

   Noč je tiha… Spim… Odjempot, z ormora, čujem nekve glose. Stanem se… Posljušam…

    Nešto me zove! Kaj bom ve? Otprem ormora, nutri kmica. Odgrnem opravu pak još bolje začujem glosa: Zemi me, na se me deni! Joj meni, što je to? Kaj je to? Otprem svetlo, pogljedam v ormar i imam kaj videti. Robec! Moj krasni robec z narodne nošnje. Na njegvem, kak trova  zeljenem ljičeku, smeju se črljene ruže. Čim su me vidlje, mom su vmoknulje. O, robec, robec, kaj si me zval? Pok ga začujem:  Zemi me vun z ove kmice! Štel bi pljesati z tobom!

     Zemem ga pomalji i denem ga na se. Mom se stisnul okolji mene i zgrabil me kaj me najboljše znol i mogel. Zavrtelji smo se po sobi kak da smo v celjem svemiru.

    Zmisljila sem se kaj mi je stora mojka prepovedala. To je bil robec moje prabake. Joko se štimala ž njim. Po Kotoribi je fnoga kola spljesal. Na saki selski fešti je bil. Baka se v kolji vrtela, a on je veselo z štranclji mohal. Najbolje se štimal dok ga baka na plječi v cirkvu nesla. Denes pok se jo štimam ž njim! Makar je joko stori, još navek mi je fest ljepi i srčeko drogi.

   Spljesalji smo si, moj robec i jo. Zela sem ga z sebe i postiha mu rekla: Taki bomo pok pljesalji, mi dvo! Pomalji sem ga vrnula nazaj v ormar. Posprojla sam ga, alji… Komaj čokam da se bom bljekla v svoju nošnju. Nek si vide kak se moj robec z menom štima! A i jo ž njim!

Dorotea Tilošanec 6.a

mentorica: Nikolina Fuš Zvošec

Črljeni mašljini

Dok reciteram,

v KUD-u sviram

ilji zboru popevljem,

mojčica mi navek

spljete dve ljepe kitice,

a na njis dene

dvo črljene, sviljene mašljine,

moje pajdoše!

Prepovedala mi je

dok sem još mola bila,

da so negda se deklje

takve mašljine furt nosilje…

K meši, za svetek, na svate,…

I ž njimi so se fest štimalje.

Jo se ž njimi očem isto štimati,

najljepša dekljica vu vuljici biti!

Zoto mi,

mojčica droga,

čim predi hodi kitice spljesti.

Komaj čokam!

Dora Zvošec  6.b

mentorica: Nikolina Fuš Zvošec

Nojljepša obljeka

Snočka me zvola,

stora mojčica moja,

da tikve je spekla,

naj dojdem jo fljetno gljet.

Tak sem se razveseljil!

Komaj sem čokal

kaj njis pem jest.

Dopeljal sem se pred hižo,

i…

Ljefko bi v nesvest opal,

dok sem ju zgljedal.

Ljudeki drogi, što pok je to?

Sem jo ne mom prepoznal!

Je to moja stora mojčica?

Opče si je ne sljična?!

Pred menom je stola

 nekva mloda, fajna žena…

Vu foldanki belji kak sneg,

z tibetom cvetnim,

cifrastim

i robcom storim sto ljet.

Na glovi ji kita splječena,

namotana v krug.

A v rokaj korpa,

z pečenimi tikvami jen kup.

Kak ljepa je mojčica moja!

Nišče ji do kuljen neje,

gda ona na se dene opravo to,

nojljepšu nošnju međimursku!

učenik: Niko Fundak 6.a

mentorica: Nikolina Fuš Zvošec

V kolo, v kolo

Španceralje so se naše deklje,

po vuljici preštimono…

Jedna ljepša od druge!

Popevalje so na se glas

kak ftičeki veselo.

Na sebi su melje črne suknje,

belje bljuze kak sneg,

a na plječima cifrasti robec

koji so jim negda

 njuve bake dolje.

Njihalje so se z podsuknjom

ljevo-desno…

Za provo veselje

je nigdor ne bilo prekesno!

Dok su došlje do križonja,

naprajlje so kolo i zapljesalje:

Pomoč Božja i Marija…

Si su jih gljedalji,

i mlodi i stori,

 na kraju so jim zapljeskali,

pak z njimi v kolo zapljesalji.

Ema Nestić  6.b

mentorica: Nikolina Fuš Zvošec